VNKAM

VNKAM

seu Iohannes Unad Cham, Rex magnae Tartariae Nestorianus, cum videret Mogolûm, qui Tartarica tribus erant, potentiam succrescere, distribuere eos per provincias passim statuit, ut distractis viribus nocere minus possent, circa A.C. 187. Quod consilium cum innotuisset Mogolibus, ex provinc. Karokoram, versus Septentrionem in Campestria Bargu migrârunt, atque Unkamo tributum negârunt, Duce Suko Badur, cuius fil. Temukin, velut obses in aula Unkam,m educatus hactenus fuerat. Qui mox inde profugus ad populares pervenit, divinâque ad Imperium vocatione simulatâ, ab iis Rex creatus est, mutatôque nomine Schinguis Khan appellatus, Unkamum in cmapis Tenducanis superatum, maiori ditionum parte spoliavit, atque Tartaricô Imperiô conditô, barbaros Scythas hactenus inopem in re pecuaria vitam agentes ad summum potentiae culmen evexit. Georg. Hornius, IOrbe Imp. cum Notis L. Ioach. Felleri, p. 430. Vide et supra non unô locô.